Ubusanzwe Mubazi y'amazi ya RIVER® (Water meter) ikererwa mbere na mbere mu gupima no kugenzura ingano y'amazi anyura mu itiyo, akoreshwa mu ngo zacu, n'ahandi hantu hatandukanye amazi akoreshwa.

Ibipimo rero bitanzwe na Mubazi y'amazi ya RIVER^®, ni ingenzi kuko bifasha ibigo bitunganya amazi kumenya ingano y'amazi akoreshwa buri munsi, maze nabyo bigateganya cg bigatunganya amazi akenewe mu buryo burambye kandi ntabure hato na hato.

Ikindi Mubazi y'amazi ya RIVER^® imaze, ni uko umuntu ku giti cye ayikoresha mu kugirango amenye neza amazi akoresha, biryo bitume yirinda kwangiza, dore ko aba agomba no kuyishyura kuko agurwa. Iyi Mubazi kandi ni nayo ishobora kumwereka ko amazi ameneka, atakoreshejwe kubera wenda ko mu rugo haba hari aho amazi ameneka atabizi; bityo bikamurinda igihombo.

Akamaro ka Mubazi z'amazi mu buryo burambuye

1. Kubara neza amazi yakoreshejwe
   • Ibigo bitunganya amazi bigendera ku bipimo byatanzwe na Mubazi z'amazi. Bityo bimenya neza amazi yakoreshejwe na buri muntu (buri rugo).
   • Imibare itanzwe n'izi Mubazi ituma ibi bigo bibara neza amafaranga atangwa nta kwibeshya cg kugereranya; ari byo bitanga icyizere hagati y'ugura n'ugurisha.
2. Kwirinda gusesagura
   
   • Mu gukora ubugenzuzi, ibigo bitanga amazi bimenya neza aho amazi akoreshwa cyane, ndetse n'aho yaba amenekera ubusa, bityo bigatuma kuyabungabunga byoroha kandi bishoboka.
   • Amakuru atanzwe na Mubazi z'amazi atuma ibigo bitanga amazi biyasaranganya neza, kandi akagera kubo yagenewe nta nkomyi yindi.
3. Guhozaho ubugenzuzi bw'ikoreshwa ry'amazi no gutahura ayangirika
   • Mubazi z'amazi zitanga igisubizo ku muntu uzikoresha, kuko bituma amenya neza ingano y'amazi akenera buri gihe, kandi akabasha no kumenya ko yangirikira mu matiyo.
   • Ibi byose ni byo bituma yirinda uko kwangirika kw'amazi no kuba yatanga amafaranga menshi y'umurengera.
4. Gufasha abafite amazu akodeshwa.
   • Inzu zikodeshwa iyo zishyizwemo Mubazi y'amazi ya RIVER^®, bituma nyirayo n'uyikodesha bagirana icyizere mu mikoreshereze y'amazi
   • Bituma kandi ukodesha nawe adatanga amafaranga y'umurengera yishyura amazi atakoresheje.

Umwanzuro.
Dukurikije ibimaze kuvugwa haruguru, Mubazi z'amazi zifite akamaro ku mpande zombi, ari abagurisha amazi ndetse n'abayakoresha. Mu buryo bwo kwishura no kwishyurwa amafaranga, ndetse no mu buryo bwo kubungabunga amazi ngo atangirika cg agakoreshwa nabi; ari byo bivambo igihombo ku mpande zombi. RIVER TRADING LTD rero yo yarebye kure izana Mubazi nziza zikomeye, kandi ziri ku giciro buri wese yashobora. Erega burya iyo ukoresha amazi neza, abandi nabo babona ayo bakoresha, kuko igihe ufunze Robine amazi akomeza imbere mu rundi rusisiro.
AMAZI NI UBUZIMA.

Inkuru yateguwe na Clement Mukimbili
Amakuru yifashishijwe yakuwe kuri murandasi (Google AI)