Imodoka yogeje neza, igaragara neza. Koza imodoka buri gihe byongera umutekano w'uyitwaye, kuko aba abona neza mu birahure, amatara yaka neza kandi irangi ryayo ntiricuya. Isabune yoza imodoka ya RIVER^® ifite akarusho ko kuba ikoranye amavuta atuma imodoka ibengerana nyuma yo kumuka. Ikindi kandi nta munyu uyirimo ushobora kwangiza irangi no kuba imodoka yarwara ingese.

Kuki ari ngombwa koza imodoka yawe?

Koza imodoka ni ingezi kuko birinda irangi kononwa n'imyanda iba yagiyeho cg yumiyeho, birinda kandi imodoka kuba yazana umugese ukuruwe n'iyo myanda, ikindi kandi imodoka igahora icyeye, bikayongerera kugaragara neza ikagumana agaciro no mu gihe yaba igiye kugurishwa. Koza imodoka buri gihe kandi ni nko kuyitaho ngo idasaza vuba kuko uba ugenda unamenya ibibazo ifite ukabikemura hakiri kare.

Inyungu ziri mu koza imodoka

1. Kurinda ko irangi rihindana: imyanda, udukoko dutandukanye, amatotoro cg imyanda y'inyoni ndetse n'imyanda ikomoka ku bimera, byose bigira ibinyabutabire bibi (aside) byangiza irangi, kandi bitinda kuvaho. Imodoka yogeje n'isabune yabigenewe bivaho hakiri kare.
2. Kurinda ko irangi rigwa ingese no gusatagurika: Igihe imodoka itoga, imyunyu itandukanye n'ibinyabutabire by'amoko yose byumiraho, buhoro buhoro irangi rikangirika, rigatangira kurwara ingese no gusatagurika. Icyo gihe bisaba gusiga bundi bushya kandi binahenze cyane.
3. Kongerera igihe cyo kurabagirana kw'irangi: Imodoka yozwa, irangi ryayo riracya, rigahora ribengerana kandi imodoka igahora icyeye igaragara neza, kandi igahorana agaciro.
4. Gutuma utwaye imodoka abona neza: Iyo ibirahure, amatara n'amadirishya by'imodoka byogeje, uyitwaye abona neza aho agenda kandi akabona n'izindi modoka, kabone n'iyo haba ari mu gihe kibi nk'imvura n'ibihu. Ibi rero bikongera umutekano.
5. Kuzigama amafaranga: igihe imodoka yozwa neza, biyirinda kwangirika inyuma ku cyuma, kandi nyirayo agahora amenya ibikenewe mbere y'uko byangirika cyane, urugero amenya ahakobotse, imipira ikenewe guhindurwa n'ibindi. Bityo rero ntazatanga amafaranga menshi akoresha imodoka.
6. Imodoka ihorana agaciro: Iyo imodoka yozwa neza ihorana agaciro kayo ku isoko. Uramutse ukeneye kuyigurisha iba isa neza, kandi ngo burya akeza karigura.

Umwanzuro:
Buriya ntawe udashimishwa no kubona imodoka ye icyeye, dore ko binatuma nyirayo yumva anezerewe kandi afite akanyamuneza. Abantu ntibakugaya cg ngo bibaze byinshi. RIVER TRADING LTD, muri bimwe yitaho cyane harimo n'umutekano w'umukiriya n'ibyo atunze. Iyi sabuni nk'uko byavuzwe haruguru, uyikoresha aba yirinda gusesagura amafaranga, aba atunze ikinyabiziga yahaye agaciro nawe kikakamuhesha n'ibindi. Akarusho rero k'iyi sabune ni uko ariyo ihendutse ku isoko kandi ikaba yujuje ubuziranenge, dore ko yanahawe S-Mark.

Inkuru yateguwe na Clement Mukimbili
RIVER TRADING LTD